Referencia: |
020076 |
Nomenclator: |
3201205 |
Coord. UTM: |
x: 603175 y: 4648166 |
Concello: |
Os Blancos |
Parroquia: |
GUNTÍN |
Lugar: |
Guntín |
Tipoloxía: |
Arquitectura Relixiosa |
Tipo: |
Capelas |
Subtipo: |
Capela |
Etapa Histórica: |
Idade Moderna |
Estilo Relevante: |
Popular |
Descrición:
Atópase saíndo do núcleo de Guntín en dirección aos Cuquexos, no primeiro desvío á esquerda. Concretamente no pequeno outeiro denominado O San Bieito.
Esta construción, feita en perpiaño presenta planta rectangular co presbiterio lixeiramente máis baixo e estreito e cuberta de tella do país a tres augas. Atópase rodeada por un muro de cachotería cunha serie de chanzos para acceder á fachada principal.
A súa portada é adintelada con lumieira, enriba ten un pequeno vano rectangular con inscrición numérica na parte superior. Remata cunha espadana dun só corpo con arco de medio punto, albergando unha campá, e coroada por unha cruz de granito.
No lateral esquerdo ten unha porta adintelada e na zona do presbiterio, no chan, un sartego antropomorfo. No paramento da fachada lateral dereita apréciase unha porta macizada, aliñada coa esquerda; na parte superior da zona do presbiterio ábrese unha ventá rectangular. Na fachada traseira, que se corresponde co presbiterio, nun dos seus sillares hai unha cruz gravada e pintada en cor negra.
A capela fíxose no século XVI e reformada no XVIII.
No libro de GUNTÍN 4.8.7., aparecen as seguintes referencias:
fol.50v. Visita do 22 de Xuño de 1656:
"Ay dos Hermitas una de nuestro Padre San Benito y la otra de San Pedro"
fol.73v. Visita do 30 de Xuño de 1679.
Volve a citar so a ermida de San Bieito.
DOCUMENTACIÓN:
-Inventario del patrimonio arquitectónico de interés histórico artístico. Ministerio de Cultura.
A.H.D.OU.
GUNTÍN
Libro 4.8.7.
