Referencia:	030029
Nomenclator:	3206202
Coord. UTM:	x: 59233200 y: 465098900
Concello:	Porqueira
Parroquia:	PARADELA DE ABELEDA
Lugar:	Paradela de Abeleda
Tipoloxía:	Arquitectura Civil
Tipo:	Construcións de Almacenamento
Subtipo:	Canastro
Etapa Histórica:	Idade Contemporánea
Estilo Relevante:	Popular

Conxunto de tres canastros de madeira, dous deles de similar estrutura e un terceiro de menor tamaño. Este último consta de catro pés sobre os que repousan outros tantos tornarratos de forma circular. Este entramado serve de soporte á grade, así como ó cerre da cámara que se realiza mediante doelas colocadas en posición horizontal, e unidas entre sí a través de faixas verticais interiores. Este procedemento é o empregado nos lados costais e nun dos lados penais, o outro resérvase para a porta de entrada. As padieiras están reforzadas por dúas columnas de madeira no punto central do tullo.Cuberta a dúas augas con tella romana. Os outros dous bens responden á mesma tipoloxía. Como soporte empregan tres pares de columnas sobre as que descansan tres mesas rectangulares. Os corpos dos canastros péchanse a través de doelas colocadas en posición vertical e unidas a través de faixas. Nun dos casos a madeira preséntase en cor natural, no outro aparece pintada de cor marrón. As portas de acceso en ambos casos canstan de dúas follas superpostas, a inferior de maior envergadura cá superior. Nun dos canastros a porta ten forma de arco rebaixado. Nos dous casos se cubren a dúas augas e mediante tella romana. Para salvar o desnivel da porta empréganse unhas escaleiras exentas de pedra.