Referencia:	050115
Nomenclator:	3207703
Coord. UTM:	x: 60287763 y: 466331162
Concello:	Sandiás
Parroquia:	SANDIÁS
Lugar:	Sandiás
Tipoloxía:	Arquitectura Civil
Tipo:	Casas Vivendas
Subtipo:	Casa Vivenda
Etapa Histórica:	Idade Contemporánea
Estilo Relevante:	Indeterminado

Seguindo a liña da estrada N-525 edificáronse unha serie de vivendas mostra do tipo de urbanismo e construción dun momento dado. Unha das construcións que segue este modelo é a presente marcada por abrir numerosos vanos na súa fachada principal en muros de perpiaño moi ben labrados e concertados. No baixo unha porta central con dúas fiestras a cada lado coa posibilidade de converterse en porta (non é descartable que funcionasen como tal) o que posibilita que a estancia sexa empregada coma negocio. Con cada oco no baixo correspóndese outro no piso superior, configurado por unah porta que dá acceso a un balcón volado, con moldura en cuarto bocel e listel, e varanda metálica. A simetría rómpese no lado esquerdo do espectador onde se corta o muro, restando un espazo que nun principio debeu ser aberto, e posteriormente pechado e ampliado con unha galería de madeira. A serie de portas e balcóns vólvese repetir na fachada norte, coroándose con cornixa en cuarto bocel con listel e cuberta a catro augas de tella curva.   

 

 

-Ficha do catálogo do planeamento urbanístico do concello de Sandiás. Clave de identificación: AC-10