Referencia: |
050117 |
Nomenclator: |
3207703 |
Coord. UTM: |
x: 60293188 y: 466305162 |
Concello: |
Sandiás |
Parroquia: |
SANDIÁS |
Lugar: |
Sandiás |
Tipoloxía: |
Arquitectura Civil |
Tipo: |
Casas Vivendas |
Subtipo: |
Casa Vivenda |
Etapa Histórica: |
Idade Moderna |
Estilo Relevante: |
Indeterminado |
Descrición:
Trátase dun conxunto de edificacións articuladas en torno a un patio de altos muros no que se atopa embutida unha inscrición nun perpiaño parcialmente roto que en letras maiúsculas di o seguinte: ESTA OBRA MANDO H / ZER ISABEL SUAREZ / DE PUGA OTe DE 17 (Esta obra mandou facer Isabel Suárez de Puga, outubro de 17..).
Unha primeira construción é a pegada ó camiño que xunto a unha estancia auxiliar foi remodelada recentemente e habilitada coma centro social. Está construída en cachotería no baixo con únicamente unha pequena bufarda como vano na fachada que dá cara á rúa, mentres que no interior do patio presenta un grande portalón. No piso superior emprégase o perpiaño conta con un balcón volado sobre perpiaños moldurados con varanda metálica ó que se accede por dúas portas abertas no muro. Outro balcón volado sitúase na fachada sur ocupando únicamente o ancho da porta. A casa accedese a traveso dun patín.
Ó carón desta casa existe outra tamén de pranta rectangular construída en perpiaño irregular que ten coma elemento máis destacado un balcón volado, ó longo de toda a fachada sur, sobre combinación de canzorros dobres e apoiados sobre pilastras. No remate da construción na esquina sueste arrinca un muro que envolve toda a finca con un grande portalón de entrada cuberto.
DOCUMENTACIÓN:
-Ficha do catálogo do planeamento urbanístico do concello de Sandiás. Clave de identificación: AC-7
