Referencia: |
060053 |
Nomenclator: |
3207802 |
Coord. UTM: |
x: 61555676 y: 466570789 |
Concello: |
Sarreaus |
Parroquia: |
CODOSEDO |
Lugar: |
Pazos |
Tipoloxía: |
Arquitectura Civil |
Tipo: |
Construcións de Almacenamento |
Subtipo: |
Canastro |
Etapa Histórica: |
Idade Contemporánea |
Estilo Relevante: |
Popular |
Descrición:
Conxunto de dous canastros de madeira, en mal estado de conservación, situados no Sueste da aldea.
O prirmeiro (Canastro 1) levántase sobre tres cepas pétreas realizadas nunha soa peza e tornarratos lonxitudinais de sección rectangular cos laterais traballados; a cepa do medio é máis baixa, polo que leva enriba do tornarratos un traveseiro de madeira. Presenta cámara de madeira, con porta nos dous lados penais (a base de táboas horizontais e verticais, respectivamente) e con doelas verticais enlazadas por faixa en cruz nos costais. A cámara está reforzada nas catro esquinas por puntais apoiados sobre traveseiros dispostos encol das padieiras. A cuberta, con armazón de madeira e tella curva, ten beirado con tornaventos nos costais.
O outro canastro (Canastro 2) presenta dúas cepas pétreas realizadas nunha soa peza; tornarratos lonxitudinais de sección rectangular cos laterais troncocónicos; cámara de madeira con porta nos dous lados penais a base de listóns verticais e doelas verticais enlazadas con dobre faixa horizontal nos costais; e, cuberta con armazón de madeira, tella curva e beirado con tornaventos nos penais. A cámara, moi inclinada, está reforzada nas catro esquinas por puntais apoiados sobre uns traveseiros dispostos encol das padieiras.
