Referencia: |
060070 |
Nomenclator: |
3207803 |
Coord. UTM: |
x: 61242308 y: 466401244 |
Concello: |
Sarreaus |
Parroquia: |
CORTEGADA |
Lugar: |
Cortegada |
Tipoloxía: |
Arquitectura Civil |
Tipo: |
Casas Reitorais |
Subtipo: |
Casa Reitoral |
Etapa Histórica: |
Idade Moderna |
Estilo Relevante: |
Popular |
Descrición:
A casa reitoral de Cortegada distribúese ao redor dun patio central, cerrado en todo o seu perímetro, ao que se accede por un portón situado ao Norte. A vivenda presenta planta en forma de L, resultado do adosamento de dous corpos perpendiculares, e cerra o patio polo Sur e o Oeste. Distribuída en dúas alturas, ten muros de perpiaño concertado e cuberta a dúas e tres augas con tella mixta. O acceso á planta superior realízase a través dunha ancha escaleira pétrea situada no corpo horizontal e que desemboca nun corredor. O corpo vertical presenta na súa fachada exterior unha galería de cemento con ventanais de ferro, apoiada en columnas de formigón.
Ao Leste e Norte do patio, dispóñense as construcións auxiliares: alpendres, palleiros, cortes, etc. Estas construcións presentan muros de perpiaño na parte exterior e están abertas na interior, apoiándose o tellado neste lado en grandes columnas cadradas feitas de perpiaño concertado. As cubertas teñen armazón de madeira e tella curva.
Aparece citada na visita do ano 1687:"[.. ..] tiene cassa esta yglesia que hizo dicho Bachiller D. Francisco Sanz de Solatorre. Abad que es al presente de que hizo donacion a la Yglesia. Que paso por delante Alonso Perz Buceta escrivano de numero desta jurisdiccion de Portela de Limia y vecino del lugar de Pena, otorgada en quatro del mes del presente" (Libro 45-7-5, folio 734).
DOCUMENTACIÓN:
- A.H.D.OU.
Libro de Contas de fábrica 45-7-5.
