Referencia: |
060123 |
Nomenclator: |
3207805 |
Coord. UTM: |
x: 61660514 y: 465886895 |
Concello: |
Sarreaus |
Parroquia: |
LODOSELO |
Lugar: |
Lodoselo |
Tipoloxía: |
Arquitectura Civil |
Tipo: |
Casas Reitorais |
Subtipo: |
Casa Reitoral |
Etapa Histórica: |
Idade Contemporánea |
Estilo Relevante: |
Popular |
Descrición:
A casa reitoral de Lodoselo está situada ao carón da Igrexa Parroquial de Santa María. Artéllase en torno a un patio interior ao que se accede por un portón situado ao Leste. A vivenda, resultado do adosamento de dous corpos perpendiculares, presenta planta en forma de L, con muros encintados con cemento que combinan perpiaños irregulares con cachotería, e distribúese en dúas alturas con cuberta de tella plana. O acceso á vivenda realízase por unhas escaleiras de dous tramos situadas no esquinal interior que conforman os dous corpos.
O corpo principal da vivenda, con orientación L-O, presenta unha solaina con varanda de ferro, froito do desenrolo do patín, e conserva na planta superior a lareira con cambota realizada con grandes perpiaños e apoiada nos muros e nun piar coas arestas achafranadas. Esta proxéctase cara o exterior nunha cheminea con remate ameado, de gran monumentalidade e realizada con perpiaños regulares.
Adosado ao corpo perpendicular disponse un forno sen edificación exterior e protexido cun pequeno tellado. Está construído con perpiaño regular e ten o frontal recto con lareira corrida, non conservando o chapilé.
Cerrando o patio polo lado Sur dispóñense os alpendres. Conforman estes un corpo horizontal, cun muro exterior de perpiaño irregular combinado con cachotería, estando aberto no interior e sustentándose o tellado, a unha soa auga, nos muros laterais e nun piar central realizado con perpiaño concertado. Ao pé deste corpo existe un pozo.
