Referencia: |
060039 |
Nomenclator: |
3207802 |
Coord. UTM: |
x: 61577983 y: 466655807 |
Concello: |
Sarreaus |
Parroquia: |
CODOSEDO |
Lugar: |
Codosedo |
Tipoloxía: |
Arquitectura Relixiosa |
Tipo: |
Igrexas |
Subtipo: |
Igrexa |
Etapa Histórica: |
Idade Media |
Estilo Relevante: |
Románico |
Descrición:
Edificio de planta rectangular, coa ábsida destacada en planta, muros de perpiaño e cuberta a tres augas con tella curva. Os muros laterais están artellados por contrafortes e arquiños cegos; no Norte adósase unha capela. Na fachada principal, porta con tres arquivoltas e tímpano liso sobre mochetas e torre cadrada, con dous vans na parte superior en cada unha das súas caras. Foi engadida no século XVI. Portada Sur con arquivoltas e decoración de axedrezado nas impostas, e columnas con capiteis con decoración estilizada vexetal. Decoración na cornixa de bolas e de temas profanos nos canzorros. Algúns sillares teñen marcas de canteiro.
Nos libros parroquiais, en visita de 1640, consta o mandato de facer a cubrición do chapitel con madeira e tella (Libro de Visitas e contas, visita do 15 de maio de 1640, folio 30). Tamén consta, a existencia dun cabildo de pedra:"de sillería labrada y una cruz e piedra" (Libro de Visitas e contas, 45-6-9, visita de 1 de marzo de 1637, folio 19).
A cabeceira, cadrada e rematada en pináculos, foi engadida en 1707. Non aparece mención explícita no Libro de fábrica da parroquia, destas obras. Dende 1697 a 1709 recóllense os gastos da parroquia en: pintura da igrexa, para a campá, torre e para ornatos (Libro de contas de fábrica, visita do 24 de maio de 1711).
O Retablo Maior é barroco, con imaxes como a Asunción, San Pedro, San Andrés ou Santiago Peregrino. De gran calidade é unha talla da Inmaculada e un Santo Cristo do século XIV. Do mesmo século son a pía bautismal e un cáliz. A cruz procesional é barroca (De Juana, 1993).
Na visita pastoral do 13 de novembro de 1732, indícase o que costaron o retablo e as imaxes: "Primeramente se da y recive en Datta mill duzientos reales de velllon que tuvieron de costte el retoque y pinturas y dorar el retablo maior de dicha yglesia y de las ymagenes [.. ..] " "con mas ciento y cinquenta y
siette reales y medio de vellon que tuvo de coste hazer de nuevo la Ynmagen de Nuestra Señoraqde la conzepcion [.. ..]" (Libro 45-6-10, folio 128).
BIBLIOGRAFÍA:
- FERNÁNDEZ OTERO, J. C., Apuntes para el inventario litúrgico de la Diócesis de Orense. Fundación Barrié de la Maza, Pontevedra, 1983, p. 255.
- JUANA de, J., A Alta Limia. (A Terra que medrou vencellada a unha lagoa) . Ir Indo, Vigo, 1993, p. 102.
DOCUMENTACIÓN:
-A.H.D.OU.
Libro de contas de fábrica, 45-6-10.
